Gjermanët kanë marrë premtimin për një qeveri të re që do të jetë në detyrë për krishtlindje dhe duket se do ta kenë atë në kohë. tani nevojitet vetëm miratimi përfundimtar i tre partive dhe më pas, betimi i ministrave të mërkurën duke shënuar fundin e erës së Angela Merkelit, vendin e të cilës do të zërë zyrtarisht tani social demokrati Olaf Scholz. Koalicioni me ngjyrat e semaforit, po quhet kështu për shkak të ngjyrave të partive të përfshira, e kuqja e socialdemokratëve që flasin për shoqëri të ndershme, e verdha e demokratëve të lirë, që mbrojnë biznesin dhe industrinë, dhe të gjelbrit. Ata duhet të përveshin kështu mëngët ndërkohë që gjermania është përfshirë nga një valë e katërt, agresive e covidit dhe nga kufizimet që po shtrëngohen gjithnjë e më shumë mbi jetën publike. Fokusi i koalicionit do të jetë tek ndryshimet e klimës. Ndërkohë që koalicioni i ri duket se ëhstë më i hapur edhe për kanabisin. Por, gjermania e post merkelit do të shihet ndryshe edhe nga jashtë. Të paktën për sa i takon tonit, një reagim pak më të ashpër ndaj rusisë dhe kinës. Sidoqoftë, tre partitë politike kanë pozicione të ndryshme dhe vizione të ndryshme për gjermaninë. E vetëm fakti se ato ranë dakord të krijonin një qeveri, është konsideruar nga shumëkush një mrekulli e vogël. Sidoqoftë, sfidat do të jenë të mëdha dhe gjithcka mbetet të shihet. Edhe para se qeveria e re të bëjë betimin, kancelari i ri është i mbërthyer në atë që paraardhësja, angela merkel, e ka quajtur kriza më e rëndë që nga lufta e dytë botërore.