Themeluesi i kompanisë Microsoft, Bill Gates, I është rikthyer paralajmërimeve ogurzeza duke folur këtë radhë për dy katastrofa të tjera që mund ta rrezikojnë seriozisht botën. Gati 6 vjet pasi profetizoi një pandemic virusale të ngjashme me atë që po përjeton globi sot, miliarderi thotë se bota nuk është e gatshme për shfaqjen e një virusi të ri vdekjeprurës në vitet e ardhshme. Sipas Gates, kërcënimet më të mëdha për njerëzimin janë ndryshimet klimatike dhe bioterorrizmi. “Ekzistojnë një sërë virusësh respiratorë që mund të shpërthejnë nga casti ne cast. Sëmundjet respiratore janë të tmerrshme sepse ato janë gjithmonë rrotull, dhe njerëzit e prekur prej tyre lëvizin vazhdimisht, ndryshe nga të sëmurët me Ebola që duhet të shtrohen patjetër në spital”, tha 65-vjeçari. Gates këmbënguli se duhet bërë akoma më shumë përsa I përket mbrojtjes. “ Ekzistojnë rreziqe sikurse janë tërmetet, luftërat, zjarret apo uraganet… Pandemitë nuk vijnë aq shpesh dhe mendohet se gjatë viteve të ardhshme nuk do të ketë ndonjë problem, dhe për këtë nuk duhet shpenzuar para. Kjo pandemi do të na detyrojë të kuptojmë se këto cështje duhen të kenë prioritet”, ka shtuar ai. Gates preferoi të tregohej edhe më konkret, duke evidentuar kërcënimin që përbëjnë ndryshimet klimatike dhe bioterrorizmi. “Dikush që dëshiron të shkaktoj probleme, mund ta prodhojë virusin në mënyrë artificial, dhe për këtë ekzistojnë gjasa edhe më të mëdha sesa nga epidemitë natyrore siç është kjo aktualja”, u shpreh ai.