Komisioni Zgjedhor në Partinë Demokratike ka miratuar renditjen e katër kandidatëve të cilët garojnë për postin e kryetarit në Partinë Demokratike. Sipas vendimit të marrë pas shortit të hehduir për këtë renditje, i pari në listë renditet Fatbardh Kadilli, e dyta është Edith Harxhi, i treti Agron Shehaj, ndërsa i fundit është Lulzim Basha, i cili është edhe kryetari aktual i kësaj partie. Zgjedhjet për kryetarin e ri të Partisë Demokratike do të mbahen në 13 qershor, një datë që u afrua më shumë se një muaj me kohën kur duhet të mbaheshin realisht pas 22 korrikut. Zgjedhjte për drejtuesit e rinj të strukturavë të PD dhe kryetarin, do të organizohen sipas përcaktimeve statutore dhe mbahen pas 4 vitesh. Zgjedhja për kryetarin e ri, ku Basha kërkon të marrë një mandat të tretë në krye të demokratëve, mbahen pas humbjes së PD në zgjedhjet parlamentare të 25 prillit. Konfirmimi i maxhorancës socialiste në pushtet edhe për 4 vitet e ardhshme shkaktoi reagime të shumta brenda PD, ku nuk munguan edhe zërat dhe grupimet kunder kryetarit aktual që i kërkuan atij dorëheqjen dhe largimin nga drejtimi i selisë blu. Edhe zyrtarizimi i 3 kandidatëve të tjerë përballë Bashës konfirmoi tensionin e brendshëm mes demokratëve.