Durrësi është njëra nga bashkitë ku mazhoranca dhe opozita po përplasen më ashpër dhe e kërkojnë me çdo kusht fitoren. Partia Demokratike e ka kontrolluar për herë të fundit Bashkinë e Durrësit në vitin 2000 dhe që nga ai vit socialistët e morën pushtetin në qytetin e dytë më të madh të vendit dhe tashmë kërkon një mandat të dytë për Emirjana Sakon. Ndërsa opozita kërkon të thyejë tabunë me Igli Carën. Ne një analizë të kryer mbi zgjedhjet e kaluara ne Durrës mbi rezultatet e përfituara për çdo Njësi Administrative, rezulton se përqindja më e lartë në favor të Ermiona Sakos ishte në Njësinë Administrative Ishëm me 62.66% më pas vijnë Njësia Manëz me 62.03%, Rrashbulli me 60.97%, Sukthi me 59.93%, Qyteti Durrës me 57.93% dhe Katundi i ri me 53.2% Njësitë Administrative Ishëm dhe Manëz për zgjedhjet e 14 majit i janë besuar deputetit Jurgis Cyrbja. Ky i fundit e ka përkthyer punën e tij me rezultate të larta. Dhe kjo për një arsye. Qytetarët shpesh thonë se përfaqësues të pushtetit lokal dhe qendror interesohen për ta vetëm me afrimin e zgjedhjeve, por për zonën e Ishmit dhe Manzës ndodh ndryshe pasi Juri sic e thërrasin banorët e këtyre njësive administrative Jurgis Cyrbjan, ndodhet gjithmonë pranë tyre për çdo problem. Në këtë mënyrë, afërsia e tij me elektoratin e kanë kthyer atë në një hambar votash për PS-në, çka ka sjellë që fushata e Jurgis Cyrbes të shqetësojë jo pak kampin kundërshtar. Nëse të gjithë deputetët do të punonin si Jurgis Cyrbja, fushata do të ishte më pozitive dhe problemet nuk do të zgjidheshin vetëm në kohë fushate. Synimi i Jurgis Çyrbjas është të ruajë rezultatin e 62 % për kandidaten Emirjana Sakon në Njësite Administrative Manëz e Ishëm në zgjedhjet 14 majit dhe pse jo ta tejkalojë këtë shifër.