Dukët e Kembrixhit dhe Sussex-it do të ecin të ndarë në funeralin e gjyshit të tyre, ku mbretëresha me sa duket do të qëndrojë e vetme. Sipas detajeve të publikuara nga pallati i Buckinghamit, për ceremoninë e 17 prillit, princi uilliam dhe Princi Harry, marrëdhënia mes të cilëve është ftohur pas intervistës së polemizuar të këtij të fundit me Oprah Ëinfrey, do të ndahen nga kushëriri i tyre, Peter Phillips, ndërsa do të ecin pas arkivolit të dukës së edinburgut, të shtunën. Vendimi, thuhet se ëhstë marrë nga mbretëresha dhe ka pak gjasa kështu të shuajë spekulimit për një carje mes vëllezërve ose të rrisë shpresën për pajtim në këtë kohë delikate për familjen. Arkivoli i Princit Filip ndërkohë do të vendoset mbi një Land Rover të modifikuar dhe do të dërgohet më pas në kishën e shën xhorxhit, në kështjellën Uindsor. Pallati konfirmoi më herët se mbretërorët nuk do të veshin uniforma ushtarake, sic ndodh zakonisht në ceremoni të tilla. Sipas raporteve, vendimi është marrë për ti kursyer sikletin Harry-t, i cili është shkarkuar nga titujt e tij ushtarakë pasi u largua nga familja mbretërore. Nuk është bërë i ditur ende ndërkohë plani për uljen e pjesmarrësve në ceremoni. Por në kushtet e respektimit të distancimit social, me gjasë, mbretëresha do të ulet e vetme.