Policia rrugore e Tiranës ka shtuar kontrollen në të gjitha akset rrugore, nisur nga fluksi i shtuar ia automjeteve që qarkullojnë në drejtim të kryeqytetit, çdo ditë të javës e veçanërisht në fundjavë, si dhe nisur nga parkimet e gabuara të drejtuesve të mjeteve. Sipas informacioneve zyrtare, në harkun kohor të vetëm 48 orëve të orëve janë proceduar plot 902 drejtues mjetesh për parregullsi të ndryshme, kryesisht për xhamat ballorë të errësuar, për mosrregullimin e shpejtësisë, përdorimin e celularit, parakalimet e gabuara, drejtimin e mjeteve me shpejtësi mbi normat e lejuara apo nën efektin e alkoolit, parkime për dy në rrugë, mbi trotuar e në vija të bardha.