Shkencëtarët druajnë se shpërthimi vullkanik në tenerife mund të shkaktojë një tsunami të stërmadh që mund të ketë pasoja katastrofike. Paralajmerimet vijnë ndërsa pamje satelitore tregojnë një lumë vdekjeprurës dhe gjigand llave të zbresë drejt detit. Shembja në fundjavë e një pjese të konit vullkanik bëri që rrëke llave përvëluese të rridhnin nga krateri i Cumbre Viejas, që u zgjua në shtator. Rrjedha e fundit e llavës është e shpejtë dhe merr me vete gjithcka që i del para. Sipas të dhënave më të fundit nga Copernicus, llava ka shkatërruar plotësisht ose pjesërisht 1186 ndërtesa dhe 95 të tjera janë në rrezik. Rrjedhja e llavës vazhdon pa ndërprerje që nga 19 shtatori dhe ekspertët thonë se ka pak gjasa të ndalet shpejt. Një artikull shkencor ndërkohë paralajmëron për njuë mega-tsunami të mundshëm nga Las Palmas. Ekspertët vlerësojnë se dallgët gjigande që gjenerohen nga rënia e llavës në det mund të godasin brigjet e marokut dhe ato të spanjës në dy deri tre orë. Më pas, ato do të vijonin në atlantik për të gfoditur brigjet braziliane, amerikane dhe kanadeze brenda nëntë orësh. Zyrtarët thonë se rrjedha e lavës ka shkuar deri në 1.5 kilometra në pikën e saj më të gjerë dhe ka krijuar një sipërfaqe prej afro 34 hektarë në zonën ku lava derdhet në oqeanin Atlantik. Shpërthimi fillestar detyroi evakuimin e më shumë se 6,000 personave nga afro 85 mijë banorë që ka Las Palmas. Banorët po qëndrojnë brenda perimetrit të sigurisë të krijuar nga autoritetet.