Vera e prodhuar në Francë është e tepërt në krahasim me atë të shitur. Kështu qeveria ka vendosur të akordojë një buxhet prej 200 milionë eurosh për të shkatërruar tepricën dhe për të mbështetur prodhuesit e dëmtuar jo vetëm nga problemet që po përjeton sektori për shkak të kostos së jetesës, por edhe nga rënia e kërkesës, e shkaktuar nga fakti se më shumë dhe më shumë njerëz preferojnë të pinë birrë artizanale. Disa rajone franceze të verës, veçanërisht zona e Bordosë, janë në vështirësi për shkak të një sërë problemesh që variojnë nga ndryshimi i zakoneve të konsumit, kriza e kostos së jetesës dhe pasojat e Covid-19. Sipas shoqatës së fermerëve të Bordo, rënia e kërkesës për verë ka çuar në mbiprodhim, një rënie të mprehtë të çmimeve dhe vështirësi të rënda financiare për një në tre prodhues të verës. Rajoni jugperëndimor i Languedoc, zona më e madhe e prodhimit të verës në vend, është goditur gjithashtu rëndë nga rënia e kërkesës për verë. Shumica e 200 milionë eurove do të përdoren për të blerë stoqe të tepërta. Përveç kësaj, alkooli i prodhuar nga shkatërrimi i verës do t'u shitet kompanive për t'u përdorur në produkte jo ushqimore si dezinfektues duarsh, produkte pastrimi ose parfume. Pamjet: AFP