Franca duket se do të rikthehet në karantinë, ndonëse më të lehtë nga ajo e pranverës. Do të jetë vetë presidenti emmanuel macron ai që do të shpallë masën në një konferencë për shtyp këtë mbrëmje por ndërkohë, këshilli i mbrojtjes dhe kabineti po vendosin për shtrirjen e izolimit të planifikuar katër javor me raportet që sugjerojnë se shkollat do të mbeten hapur dhe studimi online do të inkurajohet për fëmijët më të rritur dhe universitetet. Ndalim qarkullimet gjatë natës janë në fuqi në disa qytete dhe rajone të vendit. Sidoqoftë, një ministër francez është ankuar se masa që prek 46 milionë njerëz ka dështuar të ndalojë ndërveprimin social. Franca regjistroi 523 viktima të martën. Edhe gjermania po mendon për një izolim por ka zgjedhur termin i lehtë – për ta përshkruar atë. Kancelarja Angela Merkel dhe drejtuesit e landeve diskutuan për një izolim të kufizuar duke filluar nga 2 nëntori por sipas raporteve, shkollat do të mbeten të hapura, kontaktet sociale do të kufizohen dhe turizmi do të ndalet. Teatrot, kinematë, qendrat e argëtimit do të mbyllen. Baret do të mbyllen dhe restorantet do të lejohen të shërbejnë vetëm ushqime për të marrë me vete. Kompanitë që do të goditen nga izolimi mund të rimbursohen deri në 75 për qind të të ardhurave të nëntorit të shkuar. Qeveria gjermane do të donte që familjet dhe miqtë të mund të takoheshin për krishtlindje, por infektimet e përditshme janë rritur deri në 14964 në ditë dhe mbi 85 viktima. Irlanda ka ndërmarrë masa të rrepta javën e kaluar me qëllim rihapjen para krishtlindjeve dhe italia mbylli kinematë dhe palestrat këtë javë në një përpjekje për të shpëtuar krishtlindjet. Tani qeveria britanike është po ashtu nën presion për të vepruar.