Elbasani është konsideruar si një prej qarqeve me rivalite të bandave kriminale dhe në të cilin lëvizin lirshëm bandat kriminale, që janë ndarë në bazë fisesh dhe ku mes tyre ka pasur viktima e konflikte të përgjakshme. Një trend i rrezikshëm që po vërehet në këtë qytet është se format organizative të grupeve kriminale në qytet po imitohen nga grupe të rinjsh në zonat rurale përreth. Duke pasur parasysh situatën ekonomike dhe edukimin në rrethina, rrezikohet zhvendosje e organizatave kriminale me struktura hierarkike në zonat rurale.