Fjalori amerikan, Merriam-Webster, do të ripwrkufizojw fjalën “racizëm”, pas sugjerimit të bërë nga një grua me ngjyrë, e cila ka kërkuar që të sqarohet më mirë shtypja e njerëzve të racës së zezë. Njoftimi për këtë rishikim ka ardhur në kohën e protestave që po zhvillohen në Shtetet e Bashkuara dhe gjithë botën, kundër brutalitetit të policisë pas vdekjes së George Floydit, njeriut me ngjyrë, i cili vdiq pas presionit tw ushtruar nw qafw nga njw polic i bardhë. Kennedy Mitchum, e sapodiplomuar, ka kontaktuar zyrtarët e këtij fjalori, duke propozuar përditësimin e pwrkufizimit të racizmit. “ Kjo nuk ka të bëjë vetëm me faktin ‘nuk më pëlqen dikush’”, u shpreh ajo. Redaktori i këtij Fjalori, Peter Sokolowski, ka konfirmuar se pwrkufizimi do të ndryshohet pas kërkesës së bërë nga Mitchum. Ky Fjalor aktualisht ofron tre pwrkufizime për racizmin, i dyti prej të cilëve përcakton se racizmi është “një doktrinë apo program politik, që bazohet në supozimet për racizmin dhe është i krijuar për të përmbushur parimet e veta”, dhe si “sistem politik apo shoqëror që është krijuar në racizëm”.