Është finalizuar ankandi për ndërtimin e parkut fotovoltaik të Spitallës, një park me kapacitet prej 100 Megavatësh, i cili do të ngrihet në një sipërfaqe prej 120 hektarësh. Fituese u shpall kompania franceze Voltalia e cila ka bërë ofertën 29.89 euro për megavat. Kompania tjetër, kinezja Universe Energy ofroi 46 euro për megavat. Në fjalën e saj ministrja e Infrastrukturës dhe Energjisë Belinda Balluku u shpreh se janë parë me detaje ofertat teknike të ardhura nga pesë kompani. “Me hapjen e këtij ankandi, kemi ecur me mbështetjen shumë të vyer të BERZH, për të sjellë një rezultat sa më transparent. Pasi është mbyllur afati i dorëzimit të ofertave në 1 shkurt, ne kemi pasur mundësi të shohim ofertat nga 5 kompani të mëdha me eksperiencë në botë. Së shpejti do të nisim ankandet hibride që do bazohen në parqet diellore dhe parqet e erës. Në këto ankande shteti nuk angazhohen për të vënë në dispozicion tokën, por janë investitorët që e sjellin paketën, dhe në një garë të pastër shpallim fituesin. 70% e energjisë do të blihet nga OSSH, me një çmim të favorshëm dhe 30 megavat do të jetë në treg të lirë, duke përdorur bursën e ngritur. 5 garuesit kanë kaluar filtrat e grupit të punës për të pasur të gjitha kushtet teknike. Kemi dy kompani Voltalia franceze, dhe kompania kineze që ka treguar interes do ketë të drejtën të garojë një park fotovoltaik në vend pasi kanë përmbushur kushtet.