Pritshmëritë për filmin e ri “Gucci” të Ridley Scott, janë rritur. Regjisori anglez në fakt po mbledh bashkë një kast aktorësh të vlerësuar me cmime Oskar për të treguar në ekranin e madh historinë e vrasjes së stilistit, të ndodhur në Milano në 1995. Blerja e fundit është Jeremy Iron, që ia ka rrëmbyer rolin nga duart kolegut Robert de Niro, e që do të interpretojë Rodolfo Guccin, babain e stilistit të vrarë, Mauricio. Prej pak kohësh, Irons në fakt kishte hequr dorë nga rolet kinematografike për t’iu dedikuar televizionit. Ai ka marrë edhe një nominim emmy me Ëatchmen, dhe është angazhuar në setin e serisë televizive Munich. Aktori sidoqoftë i është përgjigjur telefonatës së Scott, dhe për të rikthyer në ekranin e madh rastin e famshëm të kronikës së zezë, ka përzgjedhur aktorë shumë të talentuar. Vejushën e zezë, që edhe porositi vrasjen e ish bashkëshortit, Patrizia Reggiani, do të jetë në fakt Lady Gaga që pas suksesit në “Një yll ka lindur”, kthehet në kinema me një rol tjetër të rëndësishëm. Viktima, Maurizio Gucci do të ketë fytyrën e Adam Driver dhe për të kompletuar kastin do të jenë edhe Jared Leto, Al Pacino, Jack Huston dhe Reeve Carney. Xhirimet e filmit duhej të kishin filluar në mars dhe dalja në kinema ishte planifikuar për në nëntor 2021, por për shkak të pandemisë, salja nëpër salla mund të zhvendoset në 2022.