Një kamera sigurie në Australi kapi imazhe dramatike video të mërkurën të një tornadoje që ngrihej mbi një zonë rurale të goditur nga stuhia. Autoritetet lëshuan një paralajmërim për stuhi pasi tornadoja u shfaq pasdite, duke u rrotulluar mbi një zonë rurale të pyllëzuar rreth 260 kilometra larg nga Sidnei. Një kamera e kullës së zjarrfikësve, e vendosur për të monitoruar zjarret kapi imazhet e bishtit të tornados që ngrihej nga toka pranë Young, një qytet në rajonin Hilltops të Neë South Ëells. Shërbimet e emergjencës paralajmëruan për erëra të forta dhe breshër, duke i këshilluar njerëzit të qëndronin brenda, të vendosnin makinat në ambjente të mbuluara dhe të siguronin sendet e tjera. Byroja e meteorologjisë e Australisë tha se tornadoja u regjistrua pasdite. Një tjetër tornado u pa rreth 70 kilometra larg po ashtu. Kullat e shërbimit të zjarrfikësve janë të pajisura me kamera për të zbuluar automatikisht tymin, si dhe shenjat e nxehtësisë dhe zjarrit. Ato gjithashtu mund të monitorojnë stuhitë për shkak të rrezikut të zjarrit nga goditjet e rrufeve.