Shërbimi satelitor i internetit Starlink i Elon Muskut ka pasur një ndërprerje të shkurtër të hënën në mëngjes, duke ndikuar edhe në Ukrainë, ku ushtria e përdor si lidhje thelbësore për komunikim në vijën e frontit. “Starlink aktualisht po përjeton ndërprerje të shërbimit. Ekipi ynë po heton”, thuhej në njoftimin zyrtar në faqen e kompanisë, pa dhënë hollësi të tjera. Komandanti i forcave ukrainase për dronët bëri të ditur se “Starlink u fik gjatë gjithë vijës së frontit në orën 07:28 minuta sipas orës lokale. Ai shtoi përmes një postimi në Telegram se në orën 08:02 shërbimi filloi të rikthehej gradualisht. Portali që monitoron ndërprerjet e internetit, Doëndetector, raportoi se mbi 43 mijë përdorues në Shtetet e Bashkuara kishin patur probleme me Starlink gjatë kësaj kohe. Starlink, i cili menaxhohet nga kompania SpaceX e Elon Musk, ofron shërbime interneti përmes një konstelacioni satelitor në orbitën e ulët të Tokës dhe përdoret gjerësisht në zona të largëta dhe rajone të konflikteve në mbarë botën.