Një aksident automobilistik ka lënë të plagosur nënë e bijë rreth orës 8.30 të kësaj të shtune. Ngjarja ka ndodhur në aksin rrugor në afërsi të fshatit Kallm në Fier. Dy të plagosurat po qarkullonin me një motomjet, i cili drejtohej nga vajza 19 vjeçare, ndërkohë nëna ishte pasagjere. Nga informacionet paraprake mësohet se përplasja ka ndodhur me një automjet tip “Benz”, i cili drejtohej nga një 65 vjeçar, banues në Roskovec. Dyshohet se shkak për aksidentin ka qenë një parakalim i gabuar i drejtuesit të mjetit, i cili mund të kthehej në fatalitet nëse instancat përkatëse nuk do të ndërhynin në momentin e duhur. Policia ka shkuar menjëherë në vendngjarje dhe po kryen të gjitha hetimet e nevojshme për evidentimin e detajeve të reja lidhur me ngjarjen. Ndërkohë dy të plagosurat janë dërguar me urgjencë në spitalin e fierit, ku po marrin trajtimin e nevojshëm mjekësor dhe janë jashtë rrezikut për jetën.