Të paktën 17 persona janë vrarë në festën me armë në Kabul, pasi burime talebane thanë se luftëtarët e tyre kishin marrë kontrollin e panjshirit, provincës së fundit në afganistan që po i bën rezistencë grupit islamik. Liderët e rezistencës kanë mohuar ndërkohë pretendimin e talebanëve se provinca ka rënë në diart e tyre. Agjencia e lajmeve Shamshad, tha se të shtënat në ajër në kabul, të premten, në festë e sipër, i kishin marrë jetën 17 personave dhe kishin plagosur 41 të tjerë. Edhe agjencia tjetër e lajmeve Tolo, dha një shifër të ngjashme. Të paktën 14 persona janë plagosur në të shtënat festive në provincën e Nangarharit në lidnje të Kabulit, tha Gulzada Sangar, një zëdhënës i një spitali rajonal në Xhalalabad. Festa me të shtëna në ajër, u kritikua ndërkohë nga zëdhënësi i talebanëve, Zabihulla Muhaxhid. “Evitoni të shtënat në ajër dhe falenderoni zotin në vend të kësaj”, tha Muhaxhid në një mesazh në tëitter. “Plumbat mund të dëmtojnë civilët, ndaj mos qëlloni qorrazi”, shtoi ai.