Trupi i pajetë i 10 vjeçarit, i cili u mbyt në rrjedhën e lumit Fan në Mirëditë, u gjet pas 12 ditësh kërkime intensive nga polumbarët e Reneas. 10 vjeçari i pajetë u gjet tek diga e Hecit të Repsit, në thellësinë 7 metra, vetëm pak kilometra larg vendit ku u mbyt teksa po luante me top pranë lumit Fan. Pas kërkimeve të përqëndruara të polumbarëve të Vlorës dhe Shkodrës, trupi i të miturit u dërgua në Spitalit Rajonal të Rrëshenit, ku pas përfundimit të ekspertizës mjeko-ligjore, vogëlushi do të përcillet në banesën e fundit nga familjarët.