Në vizitën e tij të parë zyrtare në Kanada, që prej zgjedhjes si president i Shteteve të Bashkuara të Amerikës, Joe Biden takoi krahas autoriteteve shtetërore, edhe liderë të opozitës në vend, senatorë, personalitete etj. Pikërisht në një takim me liderin Konservativ Pierre Poilivre, presidenti Binden shkëmbeu disa batuta që bënë me shpejtësi xhiron e rrjetit. Në prezantimin e tij, Poilivre tha se është “lideri i madhërisë së saj, opozitës besnike”, duke bërë konfuz presidentin Biden, teksa më pas i sqaroi se “ne besojmë që opozita është një akti besnikërie në sistemin tonë”. E menjëhershme edhe përgjigja e presidentit amerikan, që tha: Edhe ne besojmë, fatkeqësisht. Megjithatë ky shkëmbim batutash, ka bërë shpejt xhiron e botës në rrjetet sociale, teksa Biden është akuzuar se e cilëson fatkeqësi, faktin që ka një opozitë politike në vend.