Top News-Fasada e pallatit bie në rrugë/Durrës, godina ishte dëmtuar që prej tërmetit të nëntorit

Pjesë të fasadës së një pallati të dëmtuar nga tërmeti janë shkëputur dhe kanë rënë në rrugë. Fatmirësisht nuk ka patur dëme në njerëz, por vetëm dëme materiale. Ngjarja ndodhi në lagjen nr.18 të qytetit bregdetar të Durrësit ku shumë pallate të dëmtuara përbëjnë rrezik real për sigurinë e qytetarëve që kalojnë vazhdimisht pranë tyre. Një pjesë e katit të dytë të pallatit është shembur. Nga lartësia janë shkëputur muret që kanë rënë në rrugë. Vetëm pas këtij incidenti është vendosur perimetri i sigurisë që nuk lejon kalimin në trotuarin pranë objektit të dëmtuar.