Dhoma Ekonomike e Kosovës ka refuzuar ftesën e Dhomws ekonomike tw Serbisw që biznesmenët të vaksinohen kundër koronavirusit në Beograd. Nw bashkwpunim me qeverinw serbe, ajo tha se kishte siguruar 10 mijë doza të vaksinës kundër koronavirusit për biznesmenët dhe punonjësit nga rajoni, përfshirë edhe Kosovën. Por oferta, nw Kosovw, nuk u pranua. “Si Odë Ekonomike e Kosovës, e kemi refuzuar këtë thirrje për arsye parimore", deklaroi kryetari i saj, Berat Rukici, përmes një postimi në rrjetin social Facebook. “Ky rast dhe progresi që kanë vendet e rajonit me vaksinimin, janë edhe një alarm shtesë për të gjithë, që të angazhohemi fuqishëm në sigurimin e vaksinës. Bizneset tona janë të gatshme të perkrahin institucionet e vendit, në këtë proces dhe në procese tjera që na ndihmojnë t’i japim fund krizës shëndetësore”, ka shtuar ai. Nw njoftimin e dhomws ekonomike serbe thuhet se këtë fundjavë, në Beograd do të organizohet vaksinimi për biznesmenët dhe punonjësit nga Bosnje dhe Hercegovina, Mali i Zi, Maqedonia e Veriut, Shqipëria dhe Kosova, të cilët duan të mbrohen nga koronavirusi. Sipas saj, ekonomitë e vendeve të rajonit janë të lidhura ngushtë “dhe vetëm së bashku mund ta tejkalojnë këtë fatkeqësi”.