Rritja e normës bazë të interesit nga ana e Bankës së Shqipërisë, si kundërpërgjigje ndaj presioneve inflacioniste ka ulur kërkesën për kredi në lek përgjatë vitit të kaluar dhe shtuar atë për euro. Sipas të dhënave të publikuara nga Banka e Shqipërisë, vitin e kaluar kredia në euro u rrit me gati 17 për qind, duke cekur nivelet më të larta që prej vitit 2016-të. Një prej arsyeve në rritjen e kësaj kredie është shtrenjtimi i kredisë në lek përgjatë vitit të kaluar, si pasojë e pesë ndërhyrjeve të Bankës së Shqipërisë që rritën normat e interesit nga 0.5 në 2.75 për qind.