Ermal Meta, këngëtari shqiptar që ka pushtuar zemrat e publikut italian, nuk heziton të flasë për vendin e tij, shqipërinë, sa herë që mundet dhe i jepet rasti. Dhe e ka bërë këtë edhe së fundmi, në emisionin Verissimo, ku ka folur për raportin me vendin e tij të origjinës. Isha 13 vjec kur u largova nga shqipëria – thotë ai. Ndjeja sa fort më rrihte zemra, ankthi ishte i jashtëzakonshëm, asgjë tjetër. I ftuar në Verissimo, ku ka kënduar edhe këngën e tij të re, Milano non esiste, Ermal Meta foli gjatë për shqipërinë. “Kishte një heshtje të pabesueshme, thuajse si heshtje varri” shtoi kantautori. Pikërisht në shqipëri, në Tiranë, Ermal meta u kthye këtë verë për të mbajtur koncertin e parë të tij në një stadium. “Emocioni ishte i jashtëzakonshëm”, rrëfen autori i këngës, Vietato Morire. “Më dhanë celësin e qytetit dhe në kokë, këtë herë, oshëtinte muzika ime. Më pushtojnë mornicat edhe tani”.