Gjykata e Lezhës ka dënuar me 17 vite e 8 muaj burg në total tre personat e marrë të pandehur për kultivimin e hashashit në zonën e Kashnjetit, ku në prill të vitit 2024 u zbulua një sasi e konsiderueshme lëndë narkotike. Me të dënuarve është edhe Armando Ndreca, vëllai i ish deputetit socialist, Eduart Ndreca. Sipas vendimit të trupës së gjykatës me tre anëtarë Armando Ndreca u shpall fajtor për kultivim lëndësh narkotike dhe vjedhje energjie, ndërsa mori pafajësinë për akuzën e prodhimit dhe shitjes së tyre. Gjykata e dënoi atë me 6 vite e 6 muaj burgim. Ndreca do të përfitojë uljen e një të tretës së dënimit për shkak të gjykimit të shkurtuar dhe në përfundim është dënuar me 4 vite e 4 muaj burg. Me 6 vite e 8 muaj u dënua shtetasi Elvis Shpellzaj dhe po kaq gjykata vendosi edhe ndaj shtetasit Armel Nikdukaj.