Donald Trump Jr. u takua me Presidentin turk Rexhep Tajip Erdogan në Stamboll javën e kaluar në një vizitë të papritur, sipas Middle East Eye. Ky takim u përmend fillimisht nga kryetari I Partisë Republikane Popullore kryesore të opozitës në Turqi, Ozgur Ozel, i cili pretendoi se Erdogan ishte i përfshirë në "negociata sekrete" me djalin e madh të presidentit amerikan mbi Gazën. "Lidhur me çështjen palestineze, Erdogan pretendon të kritikojë kryeministrin izraelit Benjamin Netanyahu, por nuk thotë asnjë fjalë kundër mbrojtësit të vërtetë të çështjes, Trump", u shpreh opozitari Ozgur Ozel të mërkurën. Zyrtarët turq deklaruan për Middle East Eye se Erdogan po kërkon një takim dypalësh me presidentin e SHBA-së javën e ardhshme në samitin e Asamblesë së Përgjithshme të OKB-së. Ankaraja shpreson të diskutojë marrëveshjen për avionët luftarakë F-16, integrimin e kurdëve sirianë në qeverinë qendrore në Damask, rrugët e mundshme për blerjen e avionëve F-35, si dhe tensionet e fundit midis Izraelit dhe Turqisë për Sirinë dhe Gazën. Edhe pse Trump Jr. nuk mban asnjë rol zyrtar në administratën e të atit, ai konsiderohet se ka ndikim të madh në Shtëpinë e Bardhë. Ai aktualisht shërben si nënkryetar ekzekutiv i Organizatës Trump. Në vitin 2016, Trump Jr. ishte kthyer në vend për një udhëtim gjuetie dhe për të zhvilluar takime në Stamboll.