Presidenti i Turqisë Recep Tayyip Erdogan, i cili pritet të vijë më datë 17 janar në Shqipëri, ka shtyrë policinë e shtetit të bllokojë disa akse rrugore me qëllim mbrojten e tij. Pëmes një njoftmi zyrtar polica e shtetit, njofton se disa akse rrugore do të jenë të bllokuara më 17 janar për një fashe të caktuar orare. Aksi rrugor Milot-Vorë-Milot dhe rrugët hyrëse dhe dalëse të këtij aksi do të jenë të bllokuara nga ora 07:00 e mëngjesit deri në orën 14:00 të po kësaj date. Gjithashtu do të ndalohet lëvizja e mjeteve në itinerarin mbikalimi i Laçit – Laç nga ora 08:30 deri në orën 12:30. Si dhe prej orës 08:30 deri në orën 10:00, do të ketë ndalim qarkullimi për automjetet, në segmentin rrugor Rinas-Vorë-Rinas. Në njoftimin zyrtar bëhet me dije se kufizime të lëvizjes do të ketë dhe për bizneset që ushtrojnë aktivitetin në aksin rrugor Vorë-Milot-Vorë, si dhe bllokime të lëvizjes së automjeteve në disa segmente rrugore në Tiranë, në orare të ndryshme. Njoftimi përfudon duke thënë se qytetarët që duan të udhëtojnë në drejtim të Rinasit, me qëllim udhëtimin jashtë shtetit, me avion, të marrin masa për të lëvizur para orës së bllokimit të lëvizjes së automjeteve.