Ëndërronin për arsim dhe edukim dhe ëndrra e tyre për pak u shkërrmoq. Kjo është historia e dy vajzave afgane që janë strehuar në shëngjin, të cilën e ka sjellë përmes faqes së tij në Facebook, kryeministri Edi Rama. “ Rrëfime emocionuese të dy prej vajzave të reja afgane të cilat ëndrra për arsimim dhe edukim, i shtyu të ndjekin rrugën e lirisë nga toka e tyre për në Shqipëri, ku mikpritja u kthye në ligj nga të parët tanë”, shkruan Rama në Facebook. Dy vajzat, thonë në rrëfimin e tyre se largimi nga Afganistani ka qenë shumë i vështirë. Gjithcka- thonë ato – u përmbys brenda natës. Por këtu në shqipëri, ato ndjehen mirë. “Është vendimi më i vështirë që kam marrë në jetën time se nuk ma merrte mendja se do ta braktisja një ditë vendin tim. Ishte një moment stresues sepse isha një vajzë me ëndrra dhe shpresa për t’u arsimuar”- thotë njëra prej vajzave e cila është studente në Universitetin Amerikan në Afganistan. “Të lija pas familjarët e mi është vendimi më i vështirë gjatë 20 viteve të jetës time sepse nuk ishte zgjedhja jonë dhe gjithçka u shkatërrua brenda natës”- thotë vajza tjetër e cila po ashtu ishte në ndjekje të studimeve të saj në Afganistan. Vajzat, sidoqoftë, kanë falenderuar qeverinë shqiptare dhe shqiptarët për mikpritjen e treguar. “Jam shumë mirënjohëse, thotë një nga vajzat – sepse na trajtuan me dinjitet, respekt dhe dashuri”.