Top News-Emri që zëvendëson Begajn si shef shtabi/Arben Kingji, pritet dekretimi në krye të Ushtrisë

Forcat e Armatosura të Shqipërisë nuk kanë ende një shef në krye, që prej ditës kur Bajram Begaj u votua në Parlament për të qenë në krye të shtetit. Por, dy muaj pa një drejtues duket se tashmë ka ardhur momenti për një emër të ri. Gjeneral brigade Arben Kingji pritet të jetë Shefi i Shtabit të Përgjithshëm të Forcave të Armatosura të Shqipërisë. Lajmin e komfirmojnë për Top Channel burime nga Ministria e Mbrojtjes mëson se me propozim të Kryeministrit Edi Rama, Presidenti Bajram Begaj pritet të dekretojë Gjeneral brigade Arben Kingjin në këtë detyrë.