Dhuna fizike ndaj grave dhe vajzave është një ndër fenomenet më të rënda, me të cilin po përballet sot shoqëria shqiptare. Cdo vit raportohet për një numër të lartë viktimash, të cilat janë gra dhe vajza të pafajshme. Shpesh herë, mos të themi cdo herë, partnerët e tyre nuk mendojnë si zgjidhje konflikti komunikimin, por zgjedhin mënyrën e gabuar, duke i vrarë apo masakruar gratë. Ndonjëherë vdekja ndodh për shkak të dhunës brutale të ushtruar në trup, e në të tjera raste ato ekzekutohen me armë zjarri, ku rasti më I fundit ishte 4 ditë më parë në Vaun e Dejës, ku viktimë e konfiktit brenda familejs mbeti një grua 40 vjecare. Vetëm në vitin që lamë pas, janë vrarë 20 gra, emrat e të cilave janë ngjitur përkohësisht në disa tabela të rrugëve të Tiranës. Nisma u ndëmror nga aktivistët e Kolektivit Feminist në Tiranë përgjatë ditës së enjte. Ky hap u ndërmor në shenjë përkujtimi për gratë të cilat mbetën viktima të dhunës patriarkale në Shqipëri.