Top News – ‘Emigrantët mund të strehohen në anije’/Plani i ri i qeverisë britanike për azilkërkuesit

Qeveria britanike po planifikon të strehojë azilkërkuesit në anije lundrimi. Lajmin e raporton ekskluzivisht “The Guardian”, sipas së cilit plani i vjetër i mbetur pezull i Rishi Sunak është rikthyer sërish në diskutim në qeveri. Gjatë fushatës së verës së kaluar, Rishi Sunak propozoi strehimin e emigrantëve të paligjshëm në anije të ankoruara në të gjithë vendin, por bëri një hap pas, pasi ky vendim u konsiderua i paligjshëm duke rënë në kundërshtim me Konventën Evropiane për të drejtat e njeriut. Doëning Street konfirmoi se kishte hequr dorë nga ideja për të përdorur anijet për strehimin e azilkërkuesve. Burimet e The Guardian pohojnë se tashmë po diskutohet sërish plani që azilkërkuesit të strehohen në anije lundruese të cilat nuk do të regjistrohen si vendgrumbullim për azilkërkuesit për të shmangur sfidat e mundshme ligjore.