Situatë e vështirë është krijuar edhe në Elbasan. Rrugët janë pushtuar nga ngrica. Lëvizja është e vështirë për qytetarët dhe automjetet. Vazhdojnë erërat e forta në të gjithë zonën. Zona të tjera janë pa energji elektrike. Ka probleme edhe me ujin e pijshëm për shkak të mungesës së energjisë. Mbrëmjen e së shtunës dhe deri në orët e para të mëngjesit në qarkun e Elbasanit ka pasur reshje dëbore me intensitet të mesëm e të ulët të shoqëruara me erëra të forta. Temperaturat kanë qenë nën zero gradë gjë që ka sjellë praninë e ngricave në akset rrugore nacionale, rurale dhe ne rrugët e brendshme të bashkive të qarkut. Gjatë natës është ndërhyrë ne 2 raste urgjente ku rrezikohej jeta e disa personave. Në fshatin Xibrakë të Njësisë Administrative Labinot Fushe mjeti autoambulance i thirrur nga nje shtetas ngeci ne rruge. U ndërhy nga ana e bashkise me mjetet e saj dhe u mundësua transportimi I tij ne spital. Ne fshatin Gjyrale te Nj.A Gostime si pasoje e mungesës se energjisë elektrike u mundësua nga ana e bashkisë Cerrik dërgimi i një gjeneratori për një te sëmurë me Covid-19 i cili përdorte aparature oksigjeni. Ne aksin rrugor nacional Elbasan-Rrogozhine (ne Balldren), Elbasan-Belsh (ne Shales), Elbasan-Gramsh (ne Banje) mëngjesin e së dielës ka pasur bllokime te pjesshme nga prezenca e madhe e akullit. U njoftuan firmat kontraktuese për hedhjen e kripës ne këto pika. Ne akset Elbasan-Qafe Thane e Elbasan-Gjinar trashësia e dëborës ka arritur mbi 20 cm trashësi por tashme kjo është nen ndikimin e temperaturave te ulëta gjë që ka krijuar ngrica. Ne aksin rrugor Librazhd-Stebleve një pjese e aksit është e bllokuar ne segmentin Fushe Studen-Klenje ku ka nje prezence dëbore deri 70 cm trashësi. Në bashkine Elbasan kemi bllokim te akseve Elbasan-Labinot Mal dhe Elbasan-Funare ku ne terren po punohet për hapjen e tyre. Gjithashtu po punohet edhe ne rrugët e brendshme te bashkisë me hedhjen e kripës për lehtësimin e qarkullimit te mjeteve. Ne furnizimin me energji elektrike ka probleme ne Nj.A Gjergjan, Shales, Shushice, Tregan, Funar te bashkise Elbasan, ne Nj.A Orenje dhe Hotolisht, te bashkise Librazhd ne Nj.A Mollas te bashkise Cerrik dhe Nj.A Grekan bashkia Belsh.