7 shtetas të cilët hidhin në treg kartmonedha të falsifikuara, ka arrestuar nga policia e Elbasanit. Në kudër të operacionit të koduar “Kartëmonedha”, policia sekuestroi në cilësinë e provës materiale 158.000 lekë të dyshuara të falsifikuara, 2 automjete dhe 9 aparate celular. Sipas njoftimit zyrtar bëhet e ditur se të arrestuarit janë të moshës 27 deri në 50 vjec, banues në Fier, Librazhd dhe Elbasan dhe aktivitetin e tyre të jashtëligjshmën e kryenin në disa qytete të vendit. Të arrestuarit në bashkëpunim me njëri-tjetrin, gjatë një periudhe kohore disamujore, kanë hedhur në treg dhe kanë përdorur kartëmonedha të prerjeve të ndryshme të dyshuara si të falsifikuara, në disa qytete, si Elbasan, Tiranë, Krujë, Fier etj. Sakaq materialet I kanë kaluar Prokurorisë së Rrethit Gjyqësor Elbasan, për veprën penale “Falsifikimi i monedhave” kryer në bashkëpunim.