“Hapni rrugën, gangstera”, këto mësohet të kenë qenë fjalët e fundit të anëtarit të bandës së Durrësit, Edmond Koçi i njohur si Mond Çekiçi përpara se mbi trupin e tij të zbrazej një breshëri kallashnikovi. Koci ishte brenda makinës së tij, vetëm tre metra larg automjetit të autorëve që i kishte prerë rrugën. Shoferi i vet, pasi kanë nisur të shtënat, është larguar me vrap. Më shumë se 30 gëzhoja y gjetën në vendngjarje. Mendohet se arma e përdorur për ekzekutimin, një AK-47, është blerë jashtë vendit. Koci kishte vetëm një javë që ishte liruar pasi për akuzën e armëmbajtjes pa leje, gjykata e dënoi me kusht duke i hequr masën e arrestit shtëpiak. I vetrmi kusht i vendosur mbi 40 vjecarin, ishte që të mos shoqërohej me persona problematikë. Për herë të fundit, ai ishte arrestuar shtatorin e 2020-tës. Policia e ndaloi duke qarkulluar me një motor Honda dhe me vete iu gjet një pistoletë pe leje, 48 fishekë të kalibrit 9 mm dhe 8800 euro të futura në një zarf. Për këto, u mbajt në paraburgim vetëm katër ditë. Me argumentin se mund të ishte i infektuar nga covid por pa u vërtetuar asnjëherë, Edmond Çekiçi u dërgua në datën 28 shtator në arrest shtëpiak. Sipas gjykatës, prokuroria kërkoi zbutje të masës së sigurisë duke qenë se i dyshuari ndodhej në spital me simptomat e covidit.