Interpol Tirana pas bashkëpunimit me partnerët homologe kanë realizuar ekstradimin e dy shtetasve të dënuar për vepra të ndryshme penale. Nga Greqia u ekstradua 43 vjecarja Aurela Doksani nga Fieri. Ajo ishte e shpallur në kërkim ndërkombëtar pasi Gjykata e Shkallës së Parë për Krimet e Rënda, e ka dënuar me 6 vjet e 8 muaj burg, për kryerjen e veprës penale “Trafikimi i narkotikëve”. Kjo shtetase, në bashkëpunim me persona të tjerë, ka tentuar të trafikojë drejt Greqisë, në rrugë tokësore, lëndë narkotike të llojit heroinë. Gjykata fillimisht ka vendosur ndaj saj masën e sigurisë “Arrest në shtëpi”, vendin të cilin ajo e kishste thyer pasi kur është nxjerrrë vendimin qe denimin e mbetur ta kryente ne burg, 43 vjecarja Aurela Doksani nuk eshte gjetur ne banese dhe eshte shpallur në kërkim. Nga shkëmbimi i informacionit mes Interpol Tiranës dhe Interpol Athinës, ajo është arrestuar në prill të këtij viti nga autoritetet policore në Greqi, me qellim ekstradimin drejt vendin tone. Po nga Interpol Tirana u krye transferimi nga Italia drejt vendit tonë, i shtetasit shqiptar Paulin Nikaj, 40 vjeç, lindur në Gurëz, Krujë. Shtetasi Paulin Nikaj, me vendimin penal të formës së prerë të vitit 2017 të Gjykatës së Krimeve të Rënda të Apelit në BolonjaItali, është dënuar me 30 vjet burgim, për veprat penale “Vrasje”, “Mbajtje e paligjshme e armëve të zjarrit”, “Dëmtime personale” dhe “Falsifikimi i dokumenteve”.