Këtë të shtunë janë esktraduar nga Mbretëria e Bashkuar dy shqiptarë të rrezikshëm, njëri prej të cilëve ka qenë një nga 10 personat më të kërkuar në Angli. Kështu nga Interpol Tirana u krye ekstradimi nga Londra, drejt vendit tonë, Hektor Mahmutaj, 45 vjeç, lindur në Fier dhe Ronaldo Kolndreu, 21 vjeç, lindur në Tiranë. Hektor Mahmutaj I njohura nga mediat angleze si vrasësi me 13 identitete të ndryshme ishte shpallur në kërkim pasi Gjykata e Rrethit Gjyqësor Fier e ka dënuar me 25 vjet burgim, për kryerjen e veprave penale “Vrasja me paramendim”, e kryer në bashkëpunim dhe “Armëmbajtja pa leje”. Në vitin 1997, Hektor Mahmutaj, ka vrarë me armë zjarri Gentjan Jahjan, pranë rrugës automobilistike të fshatit Bejar, Mallakastër.