Arjan Sala mund të kishte shpëtuar nga ferri i flakëve në magazinën e Casa Italia-s. Ai ishte jashtë, dhe mund të kishte zgjedhur të ndiqte me një vështrim të shqetësuar atë cfarë po ndodhte, të telefonte zjarrfikësit e të priste ndihmë. Por 32 vjecari bëri një tjetër zgjedhje, një zgjedhje për të cilën sot po quhet hero. Ky djalosh me vështrim të qetë na bëri të dukemi të gjithë qesharakë, të zhytur në problemet tona të mëdha të tranzicionit e kakofoninë e politikës së përditëshme, thotë Dom Gjergj Meta. Arjani tani mund të ishte pranë familjes së tij dhe fëmijës tre vjecar, megjithatë zgjodhi të kthehej në një ëngjëll mbrojtës për punonjësit, që shpëtuan falë sakrificës së tij, më e madhja që dikush mund të bëjë, të japë jetën e vet për të shpëtuar të tjerët. Ai nuk u dorezua edhe mes flakëve, sic thonë ekspertët që po zbardhin ngadalë dinamikën e ngjarjes. Brenda magazinës së kthyer në një ferr, 32 luftoi deri në fund për shmangur djegien e kishte hedhur lloj-lloj rrobash ne trup por nuk ka arritur t`ia dalë e ka ndërruar jetë nga asfiksia prej tymit që mbushi ambjentin e mbyllur 100%. Pasi shpëtoi të gjithë personat që ishin brenda, arjani që hyri me një fikëse zjarri në dorë, mbeti vetë i bllokuar dhe ka luftuar për disa orë që të mbijetojë. Humbja e jetës nga asfiksia mbetet variant kryesor i ekspertëve, nisur edhe nga fakti, se trupi i tij është gjetur në pozicionin e përmbysur, dhe me disa djegie në gjymtyrë, por jo vdekjeprurëse. Gjesti i tij i rrallë e bën Arjan Salën një hero të heshtur, që kthehet kështu në një simbol të vetëmohimit dhe në një shembull të vlerave morale e njerëzore.