Nëse dimri në Europë është pak më i butë sesa ai I në rajonët veriore të Amerikës, merita për këtë I takon kompleksit të rrymave oqeanike, të njohur si AMOC (Atlantic Meridional Overturning Circulation) apo Fasha Transportuese e Atlantikut Verior. Një lumë gjigand uji të ngrohtë, rryma e Golfstrimit , lëviz nga Gjiri I Meksikës drejt verilindjen në drejtim të deteve qendrore europiane, ku zhytet në abise për t`u kthyer drejt jugut më e ftohtë dhe më e thellë. Një qerthull, që ushqehet falë variacionesh të kripësisë e dendësisë së ujrave detare, uji I Golfstrimit nuk përzihet me atë që Oqeanit që e rrethon dhe arrin ta dërgojë ngrohtësinë e tij deri në Europën Veriore. Ky mekanizëm lejon zbutjen e dimrave të egër në pjesën më të madhe të kontinentit të vjetër Por studimi më I fundit, I publikuar në revistën Nature Geoscience, I ka vënë ekspertët në gjendje alarmi. AMOC nuk ka qenë kurrë më I ngadaltë se sot këto në 1000 vitet e fundit, dhe Golfstrimin e kanë parë asnjëherë kaq të dobët. Ekipi I studiuesve të Institutit të Potsdamit për kërkimet e impaktit klimatik dhe ata të Universitetit College London, kanë analizuar të dhënat dhe kanë dalë në përfundimin se AMOC nisi të dobesohej gjatë shekullit XIX, por kthesën e fortë e mori në shekullin XX, gjatë viteve 50. Ata thonë se nëse gjendja vazhdon në përkeqësim, jo më larg se për 100 vjet klima në Europë mund të ndryshojë, me dimra shumë më të gjatë aq sat ë duket sikur do të ketë vetëm një stinë, me ngrica ekstreme e stuhi të dhunshme debore.