Një ekip shkencëtarësh të OBSH-së mbërritën në Wuhan të Kinës për një mision të ngarkuar politikisht mbi hetimin e origjinës së koronavirusit. Por dy shkencëtarëve iu ndalua hyrja pasi rezultuan pozitivë për antitrupa të Covid 19 në Singapor, por ndërkohë I gjithë ekipi doli negativ në testet standart PCR që tregojnë nëse je I prekur aktualisht nga infeksioni. Pekini I ka rezistuar prej kohësh presioneve për një hetim të plotë dhe ka qarkulluar madje dhe teoritë se fillesat e sëmundjes mund të mos kenë qenë fare në Wuhan. Edhe drita jeshile për ekipin e të Organizatës Botërorëe të Shëndetësisë u dha pas përpjekjesh disa mujore për t`I dërguar ekspertët në terren. Ndërda atyre u është dhënë OK-I të hetojnë tregun e kafshëve të gjalla ku u diktua një vatër e hershme infeksioni, nuk do të lejohen të verifikojnë pretendimet se virusi mund të ketë dalë aksidentalisht nga laboratori I patogjenëve të rrezikshëm në Wuhan, sic kanë pretenduar Donald Trump dhe dida liderë të tjerë. Drejtuesit e Kinës Komuniste janë mburrur me suksesin e tyre në mposhtjen e sëmundjes brenda kufijve të vendit. Por Shtetet e Bashkuara e kanë akuzuar Kinën se fshehu fillesat e pandemisë dhe shtrirjen e vërtetë të saj në ato momente, ndërsa gjithashtu kritikoi mënyrën sesi ekspertët kineze kryen fazën e parë të verifikimeve.