6 të lënduar, është bilanci i rezultuar si pasojë e dy aksidenteve të ndodhura këtë të shtunë në vendin tonë. Një aksident është shënuar rreth orës 16:30, në rrugën e plazhit në Orikum, ku unjë 27 vjeçar duke drejtuar automjetin tip “Fiat”, ka aksidentuar një fëmijë 8 vjeç, i cili ndodhet në spitalin e Vlorës, nën kujdesin e mjekëve. Ndërkohë dhe drejtuesi i mjetit shtetasi A. M, po merr ndihmë mjekësore në Qendrën Shëndetësore Orikum, pasi ka marrë plagë si pasojë e aksidentit. Ndërkohë një tjetër aksident është regjistruar në Lezhë, në vendin e quajtur Ishull Lezhë, ku një automjet tip benz, ka humbur kontrollin e ka dalë nga rruga duke përfunduar në kanal. Është dashur ndërhyrja e menjëhershme e banorëve të zonës, të cilët kanë arritur të nxjerrin nga automjeti i mbuluar nga uji, 4 vajza që ndodheshin brenda. Ndihma e shpejtë e banorëve ka rezultuar efikase, duke u shpetuar jetën 4 të rejave, të cilat janë dërguar me urgjencë në spitalin e Lezhës për të marrë ndihmë mjekësor.