Një person sulmoi me thikë katër të tjerë në një supermarket të hënën në Zelandën e Re, duke plagosur rëndë tre prej tyre. Sipas autoriteteve, sulmi nuk kishte ndonjë objektiv të vecantë dhe nuk ka lidhje me terrrorizmin. Policia tha se sulmi, I pazakontë për vendin e paqtë të Paqësorit Jugor, ndodhi në mes të drekës në një supermarket në qendër të qytetit Dunedin. Policia ndaloi një person. Sipas dëshmitarëve, një burrë që mbantë dy thika në duar, goditi stafin e supermarketit si dhe ata që u përpoqën ta ndalonin. Masakra më e fundit në Zelandën e Re, ishte ajo e marsit 2019 në xhaminë e Christchurch, ku një idhtar I Supremacisë së Bardhë vrau 51 besimtarë myslimanë dhe plagosi rëndë 40 tjerë, Kryeministrja Jacinda Ardern tha se pyetja e parë qe I bëri policisë, ishte nëse sulmi në Dunedin kishte të bënte me ceshtje të sigurisë kombëtare, por ata e siguruan se jo. Shefi I policisë tha se sulmi Ishte I rastësishëm dhe se autori do dilte ne gjyq të martën. Fillimisht u raportua për pesë të plagosur, por njëri nga këta ishte edhe autori, I cili kishte marrë një plagë të lehtë gjatë sulmit. Shefi I policisë I quajti heronj ata që ndaluan autorin, sepse kështu parandaluan një bilanc më tragjik. Ai tha se tre nga viktimat kishin nevoje për ndërhyrje në spital. Pas masakrës në xhaminë e Christchurch, Zelanda e Re ashpërsoi ligjet në përpjekje për të kufizuar mbajtjen e armëve të zjarrit.