Anija gjigande e mallrave, Ever Given, e ngecur në kanalin e suezit, po bllokon mallra me vlerë 9.6 miliardë dollarë cdo ditë. Sipas përllogaritjeve, 400 milionë dollarë mallra në orë kalojnë në kanalin që është një lidhje jetësore mes lindjes dhe perëndimit. Të dhënat nga ekspertët e lundrimit, Lloyd’s List, vlerësojnë se trafiku i drejtuar drejt perëndimit në kanal, kap shifrën e 5.1 miliardë dollarëve në ditë ndërsa ai drejt lindjes, 4.5 miliardë dollarë në ditë. Pavarësisht përpjekjeve për të tërheqir anijen nga cekëtina ku ka mbetur, ekspertët thonë se do të duhen javë që kjo të ndodhë. Ever Given, në pronësinë e kompanisë tajvaneze Evergreen Marine, është e gjatë sa katër fusha futbolli dhe një nga anijet transportuese më të mëdha në botë. Anija 200 mijë tonëshe mund të mbajë mbi 20 mijë konteinerë. Blokimi i saj ka shkaktuar ndërkohë një radhë të madhe anijesh që presin të kalojnë përmes kanalit të suezit. Kanali që ndan afrikën nga lindja e mesme dhe azia, ëhstë një nga trajektoret më të mëdha tregtare në botë, me rreth 12 për qind të tregtisë totale globale që kalon përmes tij. Sipas Lloyd’s List, janë më shumë se 160 anije të tjera që presin në fund të kanalit.