Një anije është përfshirë nga flakët me thuajse 4 mijë automjete në bord, mes të cilave 1100 Porsche. Fatmirësisht, të 22 pjesëtarët e ekuipazhit të saj u evakuan dhe janë shëndoshë e mirë. Anija Felicity Ace, që po transportonte një numër automjetesh të Volksvagen Group nga Gjermania drejt Shteteve të Bashkuara të Amerikës, mori flakë pranë Azoreve të mërkurën në mërkurën në mbrëmje. Sipas zyrtarëve portugezë, asnjë nga anëtarët e ekuipazhit, të evakuuar, nuk ishte lënduar. 1100 makina ishin në bord sipas një zëdhënësi të Porsche. Audi ndërkohë tha se disa automjete të saj ishin po ashtu në anijen e specializuar për transport makinash, por nuk deklaroi se sa. Një email i brendshëm i Volksvagen SHBA tha se anija mbante 3965 automjete Volksëagen, Porsche, Audi dhe Lamborghini. Foto të ndara nga autoritetet detare portugeze, tregonin retë e tymit që dilnin nga anija. Zjarri sipas zyrtarëve u vendos nën kontroll ndërkohë që duhet të bëhet tani bilanci i dëmeve.