Presidentja e Komisionit Evropian, Ursula von der Leyen, ka marrë dozën e parë të vaksinës Pfizer/BioNTech kundër koronavirusit. Ajo postoi në Tëitter një fotografi duke u vaksinuar dhe shkroi : “Jam shumë e lumtur që kam marrë sot dozën e parë të vaksinës kundër COVID-19. “Ritmi i vaksinimit do të përshpejtohet, pasi dërgesat në BE po përshpejtohen”, shtoi ajo Një zëdhënës i saj tha se ka qenë radha e von der Leyenit për t’u vaksinuar, në bazë të rregullave të fushatës së vaksinimit në Belgjikë. Sipas tij, deri më tani janë vaksinuar shtatë nga 27 komisionarët evropianë. Nga ana tjetër Bashkimi Evropian është kritikuar për fushatë të ngadalshme vaksinimi, por zyrtarët në Bruksel kanë fajësuar problemet me furnizimin. Ndërsa BE-ja ka miratuar për përdorim katër vaksina kundër koronavirusit: Pfizer/BioNTech, Moderna, AstraZeneca dhe Johnson & Johnson dhe të gjitha, përveç të fundit, duhet të jepen me nga dy doza për të qenë sa më efektive.