Prej ditësh Dritan Dajti po trajtohet në Spitalin e Burgt në Tiranë për shkak se rezultoi i infektuar nga Covid 19. Burime të sigurta për Top Channel konfirmojnë se ka një plan masash të shtuara veçanërisht në brendësi të spitalit të burgut , për shkak të një informacioni zyrtar të deleguar Policisë së Shtetit nga drejtoria e burgjeve, menjëherë mbas transferimit të të dënuarit Dritan Dajti, nga burgu i Peqinit për shkak të simptomave nga koronavirusi. Drejtoria e Përgjithshme e burgjeve ka informuar Policinë e Shtetit se ka indicie që të përpilohet një plan arratisje për Dritan Dajtin. Burimet thonë se informacioni i rezervuar dhe sekret i është përcjellë, por nuk bëhet i ditur plani i arratisjes. Ndërkohë në spital ka prani të shtuar të agjentëve të krimeve dhe forcave të posaçme, të cilat merren me mbiqkyrjen, për të parandaluar një arratisje të mundshme. Dritan Dajti është duk vuajtur dënimin dhe në shkallën e parë është dënuar me burgim të përjetshëm për vrasjen e 4 oficerëve të policisë gushtin e vitit 2009 në Durrës. Ndërkohë Gjykata e Shkallës së dytë e lehtësoi dënimin e tij nga burgim i përjetshëm në 25 vite burgim. Kjo çështje që prej prillit 2019 gjendet në Gjykatën e Lartë, pas rekursit të bërë nga prokuroria për vendimin e Apelit.