Lëzivjet në të gjitha pikat kufitare në ajër, tokë dhe det kanë shënuar pikun ditën e shtunë. Rreth 160 mijë shtetas shqiptarë dhe të huaj kanë hyrë dhe kanë dalë nga Shqipëria në 24 orë. Hyrjet në vendin tonë shënojnë rreth 90 mijë vetë, ndërsa ata që e kanë lënë vendin janë 20 mijë më pak. Kakavija dhe Kapshtica shënojnë pikun më të lartë duke krijuar edhe radhë të gjata. Deri në mesditë mbi 23 000 shtetas dhe 7 000 automjete kanë kaluar në këto pika. Në të dyja pikat e kufirit janë shtuar sportelet si nga pala shqiptare dhe atë greke. Fluks ka patur dhe në pikat e tjera të kalimit kufitar. Në aeroportin “Nënë Tereza” dhe në aeroportin e Kukësit kanë hyrë rreth 13 500 shtetas shqiptarë dhe të huaj; në Portin e Vlorës dhe të Durrësit kanë hyrë rreth 12 500 shtetas dhe 2 400 mjete; në Muriqan, në Hanin e Hotit, në Morinë, Bllatë dhe në Qafë Thanë kanë hyrë rreth 41 000 shtetas dhe 14 000 automjete.