Pas një pune intensive hetimore 10-ditore, autoritetet zbuluan dhe dokumentuan me prova ligjore dy vrasje që ndodhën në Elbasan në 20 dhe 29 korrik. Në të parën mbeti i vrarë Emiljano Ramazani dhe në të dytën Rigers Runaj. Forcat special RENEA dhe ato të ndërhyrjes së shpejtë ndërmorën operacionin policor të koduar “Shkumbini”, ku bënë të mundur kapjen dhe prangosjen e dy shtetasve, si autorë të dyshuar të kësaj ngjarjeje. Ata janë Xhuljano Hoxha 29 vjeç dhe Eugen Halili, 23 vjeç, të dy banues në Elbasan. Nga veprimet hetimore dhe profesionale të kryera ka rezultuar se viktima mbrëmjen e ngjarjes ka qenë në shoqërinë e dy autorëve të dyshuar dhe pasi kanë konsumuar lëndë narkotike, në një park në afërsi të varrezave të qytetit, janë drejtuar për në qytetin e Elbasanit.