Një shtetas sirian është gjetur pa jetë dhe me dëmtime në trup, mëngjesin e sotëm, në Durrës. Trupi u konstatua rreth orës 06.30, në trotuar, rrëzë llamarinave rrethuese të ish-hotel “Vollgës”, pranë shëtitores bregdetare. Sipas burimeve policore, viktima është një i ri sirian rreth 20-vjeç që ka gjetur vdekjen si pasojë e goditjeve të forta që ka pësuar në trup në rrethana ende të paqarta. Nga kqyrja e kufomës janë konstatuar trauma masive në trupin e tij. Paraprakisht dyshohet se i riu mund të jetë përplasur nga ndonjë automjet që lëvizte me shpejtësi dhe pasi e kanë zhvendosur nga rruga, autori apo autorët, janë larguar pa i dhënë ndihmën e parë. Nuk përjashtohet as pista e një krimi kundër personit. Do të jetë ekspertiza mjeko-ligjore dhe hetimet e mëtejshme që do të përcaktojnë shkakun e vdekjes dhe rrethanat e ngjarjes të cilat mbeten ende në kuadrin e dyshimeve. Nderkohe po mengjesin e sotem, një 70-vjeccare ka humbur jetën pas zjarrit që ra në apartamentin e saj në Durrës. Ngjarja ka ndodhur ne katin e dyte dytë të një pallati, pranë mauzoleumit të dëshmorëve, në lagjen nr.10 të qytetit. Viktima D. Koci e cila jetonte vetëm në banesë dyshohet se është asfiksuar nga zjarri që përfshiu apartamentin e saj. Kanë qenë fqinjët që kanë njoftuar shërbimin zjarrfikës.