‘Burg pa afat’ ka caktuar gjykata e Sarandës për dy vëllezërit nga Laçi Xhanelo dhe Xhoi Tarja. Prokuroria kërkoi arrest me burg, masë e cila më pas u pranua nga gjyqtari Alban Veçani. Dy vëllezërit akuzohen se në bashkëpunim me njëri-tjetrin, pas një konflikti të çastit kanë vrarë me thikë 41-vjecarin Klodian Bakiaj nga Tepelena. Përpara trupës gjykuese, të rinjtë me lot në sy kanë kërkuar ndjesë për ngjarjen e ndodhur. Mbi ta rëndonakuza e vrasjes me dashje e kryer në bashkëpunim. Sipas avokatit Edison Ademi, autori i ngjarjes ka qenë 18 vjeçari Xhoi Tarja. Pas goditjeve me grushta që viktima i ka dhënë 18 vjeçarit ky u fundit u largua për momentin për t’u rikthyer përsëri ku grindja vazhdonte me vëllanë tjetër Xhanelo Tarja. Xhoi ka goditur me thikë me një goditje mbi 41 vjeçarin Klodian Bakiaj, goditje fatale kjo që i mori atij jetën.