Joe Biden bëri publik planin e tij mbi mbi 2 trilionw dollarwsh mbi punësimin dhe infrastrukturën."Infrastruktura jonë po shkatërrohet", tha presidenti gjatë një fjalimi në Pittsburgh, qyteti i dytë më i populluar në shtetin e Pensilvanisë."Do të krijojmë ekonominë më të fortë, më elastike dhe më novatore në botë", u zotua ai duke treguar se plan ii vet ka për qëllim t'i vendosë Shtetet e Bashkuara në pozita të forta përballë konkurencës së Kinës. Po zhvillojnë një konkurencë aggressive. Kundërshtarët tanë janë të shqetësuar për ndërtimin e kësaj infrastrukture kritike. Rënia në Prodhimin e Brendshëm Bruto të SHBA-së do të thotë se pjesa tjetër e botës po na afrohet me shpejtësi. Sipas shifrave zyrtare ekonomia e SHBA-së u tkurr me 3.5% në vitin 2020 për shkak të pandemisë së koronavirusit. Plani i Biden parashikon që brenda një harku kohor prej tetë vitesh, të riparohen 32,000 kilometra rrugë, 10 ura me rëndësi ekonomike dhe 10,000 të vogla. Po kështu do të hiqen tubacionet e rrezikshme me përmbatje plumbi në sistemet e ujit, do të përmirësohet ndjeshëm rrjeti elektrik i vendit, sigurohet qasje në internet me shpejtësi të lartë si dhe rikostruksioni i sistemeve të tranzitit. Duke folur për më shumë se gjysmë ore në një qendër trajnimi profesional në Pittsburgh, zoti Biden tha se "jam i bindur që nëse veprojmë tani, pas 50 vitesh njerëzit do të shohin pas e të thonë: Ky ishte momenti që Amerika fitoi të ardhmen".Plani vjen menjëherë pasi miratimit nga Kongresi të një tjetër plani të Presidentit Biden, paketës së ndihmës prej 1,9 trilionë dollarësh për lehtësimin e pasojave të koronavirusit.