Dy tërmete të njëpasnjëshme me magnitudë 4 dhe 4.1 të shkallës Rihter, sipas qendrës sizmiologjike mesdhetare janë regjistruar në Shqipëri paraditen e së premtes. Lëkundjet patën si epiqendër zonën e Fushëkrujës, rreth 17 kilometra në veri-perëndim të Tiranë. Thellësia e tërmetit të parë raportohet 10 kilometra, ndërsa e lëkundjeve të dyta 10 kilometra. Lëkundjet sizmike janë ndjerë edhe në Tiranë dhe Durrës, ndërsa dy paslëkundje me magnitudë më të dobët janë regjistruar brenda pak minuta më vonë. Sizmiologët deklarojnë se lëkundjet janë normale dhe se zona ku është regjistruar epiqendra ka prej muajit janar që ndodhet në aktivitet të lartë sizmiologjik. Megjithatë, ekspertët thonë se goditja kryesore ka kaluar tashmë me tërmetin me magnitudë 4.5 të shkallës rihter të regjistruar në 24 qershor.